الله يرحمك يا أمي …. ” عامية “

الله يرحمك يا أمي …. ” عامية “
——————-
الله يرحمك يا أمي

ياللى كنت شايله همي

وتلمى اخواتى وتضمي

مشيتي وسبتيني يا أمي

وكأن روحي طلعت مني

الأمر لله ومش بأمري

ولو بيدي كنت فديتك بعمري

كنتي دنيتي وعليا بتحني

كنتي فرحي وهمي وحتة النيني

اشوفك افرح قلبي يغني

وحضنك دنيا تضمني وتسعني

في كف يدك كان الحنان يصني

وفي عينيكي لهفة حب تأثرني

أنت بوحي وأنت نوحي وسفنتي

ولما يذبل غصنك قلبي يألمني

من بعدك مين حيرحمني

كنتي انت رحمة ربنا وكل التمني

ضاعت الأماني فى موجة حزني

ربنا علشانك كان بيرحمني

النهارده مين يسأل عني

لما كانت الدنيا تضيق

حنيتك براح التمني

أه ياروح الروح يا أمي

راحت روحي غصب عني

الشكوي لغيرك مزلة يا خلقني

يا عالم بحالي بعد فراق حته مني

الله يرحمك يا أمي

الله يرحمك يا أمي
—————————
د/حسني سيد احمد حسين

التعليقات

Comments